Unidá Nacionalista Asturiana

Andecha Astur

Como sabréis los bonos feligreses d'esti blogue,naguo pola xuntanza del nacionalismu asturianu d'izquierda.Nesa fastera política,na teoría,atopamos tres fuercies:UNA,Andecha Astur y Bloque por Asturies.Esta cabera fuercia nun paez pol llabor de dexar a un lláu la comodidá de los puestinos y les perres,pero,de xuru,sedría bienvenía nel casu de que recapacite.

Ye por eso polo qu'hai que puxar pola xuntanza de les otres dos fuercies nacionaliegues d'izquierdes,UNA y AA.Hai que ser realistes:separtaos nun tan en condiciones d'algamar escañu na Xunta Xeneral,que ye'l llugar nel que tenemos que puxar por entrar.

Llevamos munchos años estrellándonos nes mesmes muries elleutorales,unos quedando a les puertes d'entrar na xunta,otros perlloñe de facélo,y ye la hora de facer la preba,d'intentar facer una xuntanza nacionaliega,que tien qu'entamar por estos dos partíos.Toi convencíu de que si s'algama la xuntanza d'Andecha Astur y d'UNA,munches persones y fuercies van entrar nel proyeutu nacionaliegu.

Dientru d'Izquierda Xunida,ye innegable qu'un seutor nada despreciable puxa por una fuercia asturiana y d'izquierdes;dientru del Bloque,tamién surdiríen vocesde descontentu qu'agora tan acallaes.Polo tanto,hai xente qu'agora tá n'otres fuercies o que nun milita que,de xuru,s'averaríen a un proyeutu nacional y xunitariu.

Nun ye fácil facélo,pero hai que camudar la mentalidá de partíu pola mentalidá nacional,mirar les coses comunes y trabayar en elles.

Merez la pena intentálo, y poco vamos perder.

http://polaxuntanza.webcindario.com/

Esti ye un reportaxe sobre neños que tienen como llingua materna l'aragonés,la llingua cola que compartimos una vindicación cenciella y que debería tar iguada en cualquier estáu democráticu...

El PXOU aprebáu recientemente nesti conceyu tien como gran novedá esta midida que yera mayoritaria nel conceyu:los ocalitos foros declaraos especie "non grata",y nun podrán aumentar les finques dedicaes al cultivu d'esti polémicu y foriatu árbol,que llegó a Asturies nel sieglu pasáu d'Australia y que ye'l principal cultivu de la industria maderera.

Un cuartu de la superficie arbolada d'Asturies son ocalitos,y na faza costera asturiana ye práuticamente un monocultivu.

Naide dubia de la so rentabilidá económica pa la industria maderera,pero les consecuencies del cultivu masivu d'esti árbol son bastante series:erosión,perda de nutrientes del suelu,inadaptación de la fauna...

A min paezme una noticia perbona,y una gran midida del gobiernu d'Illas.Siéntolo muncho polos que se dediquen al cultivu d'ocalitos,pero pa min nun paga la pena el so cultivu,yá nun sólo poles sos consecuencies negatives pal mediu,sinon porque tamién,anque teamos avezaos a velos per toes partes,faen un paisaxe artificial y que nun pertenez a esti país.

El glayíu ecoloxista d' "Ocalitos Non" foi escucháu nel conceyu d'Illas,y esperemos que l'ecu llegue al restu d'Asturies y se ponga frenu al avance d'esi árbol tan apreciáu polos empresarios madereros y tan odiáu por bona parte de los asturianos (ente los que m'atopo).

Y pa finar,ye una obligación poner la lletra d'esti gran cantar de Dixebra:

Ocalitos, Munchos Ocalitos.
ocalitos, Ya Tan Maduros.
ocalitos, Munchos Ocalitos.
ocalitos, Fáltenmos Canguros
n'asturalia.
turismu Verde, Llévate Una Montaña.
turismu Verde, Hai Verde Asgaya
n'asturalia.
¿y Na Cultura?
premios Principiegos,
asina Conocennos.
premios Principiegos,
sóbranos Dineru
n'asturalia.
¡queremos Ser Una Isla!

Salú!

Entá nos queda muncho p'algamar eses cotes de participación y d'aceutación y normalización de la nuesa llingua.Pero pa ello hai qu'entamar pola oficialidá.

¿Imaxináis a ovidio sánchez falando n'asturianu?

Pues el PP gallegu fáilo con total normalidá.Llueu fallarán en munches coses,pero nun-yos lo quita naide,y amosa'l complexu provincianu de la nuesa clas politico.

OFICIALIDÁ YÁ

Dende'l primer momentu taba claro que yera mentira,pero al diariu ultraespañolista "La Razón" dio-y por echar mierda enrriba d'UNA,federación nacionalista asturiana,diciendo que cuntaben con venti avales d'ANV,partíu abertzale illegalizáu.

Cualquier persona que conozca a daquién d'UNA sabe qu'esi ye un partíu llibre de toles sospeches y,por supuestu,pacíficu (como tolos partíos asturianos que se presenten).

Ensin embargu,la mentira entamada por "La Razón" nun tuvo siguimientu en nengún mediu seriu,ya incluso periódicos como "ABC" o "El Mundo",que tán na llinia de La Razón nun dixeron na del asuntu,que sólo foi secundáu por dellos mediosdel mundu ultraderechista.

"La Razón",tá claro,espublizó esa noticia por dalgo,y paez qu'esi "dalgo" ye engochar al nacionalismu asturianu ya intentar criminalizálu na so enésima campaña a la escontra de tolo que güela a asturiano.

Tamién teo que dicir que nun me prestó nada l'actitú de dalgún mediu afín al nacionalismu asturianu d'izquierda qu'espublizó la noticia col fin de collaborar nel "engoche" d'UNA.

Yo nun soi militante nin d'UNA,nin d'Andecha Astur,nin del Bloque por Asturies,pero eso diz muncho de la situación na que tá'l nacionalismu asturianu:enfrentáu,dixebráu y,lo pior de too,ensin voluntá de camudar d'actitú.

Como ya dixe delles vegaes,el futuru del nacionalismu asturianu pasa pola xuntanza de les fuerces nacionalistes d'izquierdes.Demientres tanto,veo perdifícil por no dicir imposible que'l nacionalismu asturianu se coma dalgún roscu nes elleiciones autonómiques del 2011.

El Bloque nun paez pola llabor de dexar el chollu de los puestinos y perres nel que tá xunto a Izquierda xunida,partíu cuyu seutor "asturianista"(nun se sabe esautamente si son nacionaliste so qué son) sigui ensin movése,asina que'l futuru a cortu plazu del nacionalismu asturianu d'izquierdes tá,na mio opinión,nuna xuntura d'Andecha Astur y d'UNA.

Pa ello hai que facer esfuerzos,sacrificios,arrenunciar a coses,y camudar la mentalidá de partíu por una mentalidá d'ideoloxía.

Paezme que'l nacionalismu asturianu tien el deber d'ufiertar a la sociedá asturiano una alternativa de país,d'izquierdes y con ganes de camudar les coses.merez la pena intentálo.

Pa finar,la mio solidaridá pa colos collacios d'UNA nesti ataque infundáu del ultraespañolismu.

Ante las diferentes sentencias relacionadas con la extrema izquierda en Asturias que han visto la luz en los últimos días, especialmente el sorprendente y ridículo acuerdo que ha acordado el Fiscal con los 14 violentos antifascistas detenidos en Cangas de Onís, Democracia Nacional solicita una reunión con el delegado de Gobierno en Asturias, Antonio Trevín por la situación de indefensión en la que se encuentran los simpatizantes y militantes de nuestra formación.

¿Reunión con Trevín pola so indefensión? ¡Pero si Trevín ye'l primeru en defendélos!

¿Quién sinon mandó a la Guardia civil pa dar palos cola escusa de "protexer" a estos "probes" xenófobos y facistes?

Pa mexar y nun echar gota...

Y nun sedrá'l caberu ensin oficialidá...