Dende va tiempu la comunidá asturfalante ta en griesca tamién na rede pola reconocencia y presencia de la so llingua en dellos sitios perconocíos y peremplegaos como,por exemplu,la rede social Facebook.
Sicasí,fai unos díes entamó un nuevu focu de conflictu (quiciabes el más fuerte dende va tiempu pola so sonadía),nesti casu na rede social Tuenti,que punxo en funcionamientu una versión del sitiu en cada una de les llingües cooficiales.
Otras vegada más,la nuesa llingua quedaba fuera “porque nun ye oficial”,escaeciendo que munchos usuarios de la rede social nagüen tamién por un tuenti n’asturianu.
Casi al momentu surdió un movimientu pa que Tuenti ficiera tamién la torna al asturianu,un movimientu que ta algamando gran puxu y dinamismu,ente otres coses pol calter mozu de la rede social.
Surdió asina’l CODIPA,Coleutivu d’internautes pol asturianu,que ta siendo la tiesta d’unos 10.000 usuarios qu’hasta’l momentu sofitaren la campaña por una Tuenti n’asturianu.
Pue paecer dalgo poco importante,pero afitar la nuesa llingua na rede,la so presencia,reconocencia y emplegu ye asegurar,en parte,el futuru de la nuesa llingua.
Si anguaño internet ye importante,nel futuru sedrá más,y agora ye’l momentu de posicionar l’asturianu como llingua normalizada na rede,pa evitar que nel futuru sufra los ataques y desprecios de la “vida real”.
Yo tamién esixo Tuenti n’asturianu.Sedría’l primer pasu d’un futuru inda meyor de l’asturianu na rede.
estihomeallorio 
… relaxa, compañeru, sic… P