Esti Home Allorió

URAS:Munches pallabres,pocos fechos

Adivín Serafín — Mon, 23 Nov 2009 18:15:42 +0100

Equí tol mundiu ye de centru. Nun me paez a min que naide seya de centru, ye más, pa la nuesa vergoña los partíos son más bien de dreches. Si sofitar al empresariu escontra'l trabayador ye dreches, tpoos son de dreches. IU, nun t'escuendas que te veo.

Esconsonái

alloriau — Sat, 14 Nov 2009 19:28:39 +0100

Ye interesante lo que propón Carlos,dende llueu podría salir alantre,anque como yo nun descartaría novedaes nel tarrén de la xuntanza pa entamos-mediaos de 2010.
En cuantu a lo que diz El Xanu,ye verdá que d'esi 25% una parte importante nun son nacionalistes,pero un nacionalismu d'esquierda seriu y bien organizáu ye aspirante a esi votu ensin dubia dalguna.
Pa finar,agradecer a óscar esi entusiasmu :)

Esconsonái

oscar — Fri, 13 Nov 2009 14:56:35 +0100

Venga, vamos dar pasos. vamos sentanos a falar ya enfrentar idées. ¿Ónde quedamos? ¿Cuándo? El mi e-mail: manchessolares@gmail.com Sé de más xente que va venir si entamamos l´alderique.
Salú.

Esconsonái

Fri, 13 Nov 2009 12:24:49 +0100

Esos datos nun son nuevos. Hai munchos años que se repiten. Esi porcentaxe poco o nada identificáu colo español nun sabemos por qué ye. Conozo xente que te diz: yo ante too soi socialista (o comunista) y dempués... Esi 25% nun tien por qué ser identificáu con un posible viveru del nacionalismu asturianu pa nada. Y si realmente consideramos que lo ye, entós hai que s'entrugar por qué nun se plasma nuna realidá social.

Esconsonái

Carlos X. BLANCO — Thu, 12 Nov 2009 20:11:55 +0100

Sí, estes encuestes espeyen una realidá social que nun somos a aprofitar. Llevamos meses colo de la "Xuntanza", collaciu, pero paez que falamos coles parés. A falta d´un partíu nacional d´Asturies güei, tenemos que pensar nuna plataforma. Tenemos que dar visibilidá a la xente de qu´hai persones con carnés o ensin ellos que queremos trabayar xuntos dexando a un llau lo personal y tamién delles torgues ideolóxiques. Yo soi marxista, pero querría nesa plataforma a xente nacionaliega anque nun defenda´l socialismu (oficialidá más autogobiernu), o simplemente patriota con tal que nun sía claramente reaccionaria. Una plataforma nun solo "virtual", sinón organizativa. Si de verdá surdiera, mio robla diba pa con ella, a trabayar codu con codu. Esa plataforma tien que garrar puxu ente la mocedá y ente organizaciones yá esistentes que nun compitan electoralmente. Si la montasen, salvaríámos esti murniu panorma, y teníen mios brazos pa trabayar con ilusión.

IX ensin asturianismu:un muertu en vida

Adivín Serafín — Mon, 02 Nov 2009 13:35:34 +0100

Toi un migayín fartucu de los aprovechaos de turnu. Pa esa xente, Asturies nun ye más qu'un mediu y la llingua una forma de medrar. Nun-yos importa un res quien gobierne, ellos tienen de tar averaos chupando.

IX ensin asturianismu:un muertu en vida

asturianista — Mon, 02 Nov 2009 12:35:32 +0100

Pos pa min toos estos estomagos aprovechaos que se vendieren por cuatro puestinos nun valen pa facer una alternativa seria.
por ciertu mui bona la imaxe hehe

IX ensin asturianismu:un muertu en vida

persona — Sun, 01 Nov 2009 18:26:39 +0100

Pa munchos de los miembros d'IX-BA-LV la politica ye un mou de vida.Si españa IX colarán pa otru sitiu onde poder siguir colos puestinos y les perres.
Sentirialo pola xente que nun tien esos intereses dientru d'IX,pero ye lo que merecen,españar.

Méritu

Frayando Cadenes — Tue, 27 Oct 2009 14:19:45 +0100

Apurrote a enllaces. Salú ya dixebra!

Méritu

Fesoria — Fri, 23 Oct 2009 22:20:22 +0100

Énte estos ataques nin media gracia, nin media tolerancia. Los artos, o s'escastrien enantes de que guañen, o depués nun hai manera de parar el so espoxigue. Yá valió tar a fostianos ente nós demientres esta gandaya vien a cuspinos na cara.

22 D'OCHOBRE. PRÍNCIPES D'ASTURIES, ¿QUIÉN LO DECIDIÓ?

persona — Tue, 20 Oct 2009 17:39:42 +0100

¡alloriáu torna! :)

Homoxeneidá y xuntanza

Sun, 11 Oct 2009 16:51:11 +0100

A too ello podíemos añadir que fuera del nacionalismu asturianu naide entiende onde tán eses fondes diferencies que lleven a la dixebra. Y dientro tampoco, rasalvando a les tropielles qu'anden al rau de ciertos dirixentes de saldu.

Camudando pa siguir ensin cambéos

asturianista — Tue, 06 Oct 2009 17:46:08 +0100

Los seutores españolistes dominen con mano de fierru la FSA y el PP.Pal asturianismu esistente dientro d'esos partíos hai dos posibilidaes:somorguiase a esi seutor o colar,porque na llucha cuerpu a cuerpu l'españolismu lleva les de ganar gracies al sofitu madrilanu.

Votu útil nel asturianismu:¿esiste?

alloriau — Thu, 01 Oct 2009 18:15:20 +0100

Polo que cuntáis,el votu útil ye una realidá nel asturianismu,y como bien diz el xanu una bona manera d'exercer esi votu útil seya teniendo una fuercia con capacidá real y con futuros pa algamar resultaos.
saludos!

Votu útil nel asturianismu:¿esiste?

Nacionaliegu — Wed, 30 Sep 2009 15:04:05 +0100

Sí, esiste'l votu útil. De fechu, toi seguru qu'abonda xente esmolecío por Asturies intentamos votar a lo que meyor paeza que vaya valir estratéxicamente.

Anque la mio filación política ta nel nacionalismu d'izquierda moderada, póngome a pensar y veo que, no que llevo de "vida votante", tengo votao:

- Coalición Asturiana (PAS y UNA)
- Partíu Asturianista
- Andecha Astur
- Izquierda Xunida/Bloque por Asturies
- Unión URAS/PAS
- Unidá

Lo que foi la costante, siempre, ye l'apaición de la sensación de tirar el votu al día/mes/añu siguiente de facelo.

Votu útil nel asturianismu:¿esiste?

asturianista — Wed, 30 Sep 2009 14:48:44 +0100

Pa min sí hebo votu útil,yo voté nes caberes elleiciones a URAS-PAS col enfotu de tener representación asturianista na Xunta.Quiciabes n'otra situación nun los votaría,pero el fechu de poder algamar representación fizome votalos.
Ye una esperiencia personal,pero caún tendrá la so opinión.

Votu útil nel asturianismu:¿esiste?

El xanu\\\\\\\\\\\\\\\'l caborniu — Tue, 29 Sep 2009 21:14:44 +0100

Pues yo lo que me paez ye que la teoría del votu útil que funcionaba hasta agora o morrió o ta dando les boquiaes. ¿Por qué?. Pues porque les urnes yá dexaron claro que del llau de les formaciones d'ámbitu asturianu nun va haber representación dala si se presenten por separao. Y nel casu d'IX xuega electoralmente a la baxa y dexó rescamplando qu'abandona cualquier propuesta asturianista nel mesmu momentu que dende'l PSOE los inviten a pactar.
Claro que almeyor tamos avanzando hacia l'afitamientu d'otra manera d'entender el votu útil: si se da una candidatura unitaria con posibilidaes d'algamar representación parllamentaria. La tán deseada por unos y tamién odiada por otros, xuntanza.

L'enfoque mozu del nacionalismu astur

El xanu\'l caborniu — Sat, 19 Sep 2009 11:43:52 +0100

Esi enfoque pa la mocedá vien faciéndose davezu y dende siempre. Y equí surde la entruga del millón: cuando la parte d'esa mocedá que s'arreya al nacionalismu van faciéndose más paisanos ¿pa ú cuelen?. Porque si nun colaren el nacionalismu anguaño tendría una porretada de militancia considerable. Parte de la xente mozo avérase al nacionalismu pero nun queda, acaba marchando.
D'otra miente, un partíu políticu tien que se dirixir a tola población y fincar la problemática de toles xeneraciones. Dar la imaxen de ser "el partíu de la mocedá" ye automarxinase. Arrenunciar a costa fecha a caltriar notres capes de la población. Yo pienso que ye una muestra de falta total d'estratexa y, en cierta manera, una muestra d'inmadurez política y d'infantilismu non escutruxáu.

L'enfoque mozu del nacionalismu astur

carbayu — Sat, 19 Sep 2009 10:38:52 +0100

la verdá que ye una cosa que nun había pensao,pero ties bastante razón en que hai que camudar un poco la estratexa
saludos!

Bastión nacionaliegu ¿Úlu?

alloriau — Fri, 18 Sep 2009 17:53:01 +0100

Home ye verdá que,dientro d'esti mar espalolista nel que nadamos,el fechu de que l'asturianismu seya oción mayoritaria yá ye digno de mencionar,amás de que son llugares con potencial pa partíos como Andecha y UNA.
Saludos!

Bastión nacionaliegu ¿Úlu?

VeritasEtSeveritas — Wed, 16 Sep 2009 12:21:01 +0100

Ye verdá, alloriáu, pero paécenme significativos del votante qu'hai per ehí. Nun sé, por exemplu, qué presencia tienen Andecha o UNA en conceyos como Ponga o del enfotu que tienen por espoxigar ehí, pero lo que ye seguro ye que votantes tendríenlos. D'otramiente, nun ye normal qu'en conceyos que tan avezaos a votar a esgaya a partíos d'izquierdes con mensaxe asturianista y verde nun haya votos proporcionales pa les propuestes d'esos dos partíos.

Lo de tener ñeros políticos tien el peligru d'añerase nellos namás y escaecer el trabayu per ende.

Bastión nacionaliegu ¿Úlu?

alloriau — Wed, 16 Sep 2009 11:20:14 +0100

Toi d'alcuerdu Xanu,hai "bastioninos" pero nun tenemos un conceyu de gran presencia nacionaliega.
Los conceyos qu'apurre Veritas tamién tan ehí y son sitios onde'l votu asturianista tien muncha presencia,anque pa min ye un asturianismu más de calter rexonalista ó averáu a temes culturales que un asturianismu de calter nacionaliegu.
Saludos!

Bastión nacionaliegu ¿Úlu?

VeritasEtSeveritas — Wed, 16 Sep 2009 10:11:55 +0100

Por apurrir otros datos de tol arcu políticu, si miramos pa otros partíos averaos al nacionalismu, hai conceyos con un noyu importante de votu asturianista nel que poder trabayar:

Castros del PAS:
- Ponga: Alcalde d'URAS-PAS (29,3% de votos y 2 conceyales).
- Villaviciosa: Alcalde d'URAS-PAS (16,3% de votos y tres conceyales).

Castros del Bloque-IX:
- L.lena: Alcalde d'IX-BpA-LV (32,41% de votos y 6 conceyales).
- Illas: Alcalde d'IX-BpA-LV (37,86% de votos y 4 conceyales).
- Castrillón: Alcaldesa d'IX-BpA-LV (28,36% de votos y 7 conceyales).

Y llueu ta'l casu de Piloña, onde en 2007 la candidatura "Izquierda Asturiana-Asturianistes" sacó'l 7,92% y el famosu conceyal tránsfuga.

Bastión nacionaliegu ¿Úlu?

Tue, 15 Sep 2009 20:21:31 +0100

Si'l porcentaxe de votos y la presencia na cai ye bien superior al d'otros sitios entós de dalguna manera podemos consideralos "bastioninos". Pa ser bastiones quiciabes esa presencia debiere ser mayoritaria cosa que nun pasa. Yo tamién pienso qu'estos dos llugares son un pocoñín la escepción a tanta españolada política que s'espurre pel restu'l país.

Bastión nacionaliegu ¿Úlu?

alloriau — Tue, 15 Sep 2009 19:38:57 +0100

Amás de bastiones del nacionalismu astur son sitios perguapos pa visitar (como'l restu d'Asturies),asina qu'esperamoste per estes tierres.
un abrazu!

Bastión nacionaliegu ¿Úlu?

Julio Torres — Tue, 15 Sep 2009 19:33:14 +0100

Vaia, tomo nota destas propostas. Un saúdo desde Galicia cara ós primos de Asturias, terra que non coñezo pero que agardo coñecer algún día porque me falaron moi ben dela. Supoño que lugares pequenos sen tanta publicidade e turismo son sitios estupendos para coñecer. Aquí en Galicia pasa o mesmo.

Saúdos desde Sanxenxo
Carpe Diem

Mentalidá nacional escontra mentalidá de partíu

alloriau — Fri, 11 Sep 2009 17:50:46 +0100

Tá claro qu'esi alcuerdu si nun tien continuidá y ye ampliáu pasin a pasu nun va sirvir pa nada,pero si me dicen fai un mes qu'Andecha y el PAS diben roblar un alcuerdu diría-yos qu'alloriaron

Mentalidá nacional escontra mentalidá de partíu

VeritasEtSeveritas — Fri, 11 Sep 2009 16:19:45 +0100

Bon artículu, el so primer párrafu y el penúltimu son clave: esi ye'l mou y yá ye'l momentu.

Con too, depués de lleer a Xuan Xosé Sánchez Vicente en Les Noticies güei, soi menos optimista con esti pactu. A ver si amuesen con fechos serios que foi más qu'una semeya y que pue ser un bon pilpayu nel qu'afitar esi procesu necesariu.

Mentalidá nacional escontra mentalidá de partíu

Fri, 11 Sep 2009 13:02:42 +0100

Cuando dos tán engardíos l'acercamientu ye más fácil si permedia un terceru. L'alcuerdu AA-PAS a lo meyor ye un atayu pa l'alcuerdu AA-UNA. El BA afáyase mui bien na Izquierda Plural per agora. Va vaganos tovía pa ver avances significativos hacia la xuntanza, pero tolo que seya roblar alcuerdos como'l d'estos díes pasaos ye siempre positivo y hai que lo apoyar.

8 setiembre-Asturies ye nación

CXB — Wed, 09 Sep 2009 15:19:14 +0100

Mieu consciente a perder la poltrona, mieu al espoxigue d´una corriente alternativa nacional. ¿Pa cuando´l partu? Un CONCEYU ASTURIANU, como dicía´l Xanu, colos dos puntos cimeros...eso sí que los diba poner nerviosos.

8 setiembre-Asturies ye nación

CXB — Wed, 09 Sep 2009 15:18:39 +0100

8 setiembre-Asturies ye nación

alloriáu — Wed, 09 Sep 2009 11:17:57 +0100

Yo tamién vi el "mensaxe institucional" (na tv del réxime,tá claro)y cada vegada usen espresiones qu'amenorguen más a esti país,ye curioso ver cómo tienen mieu a dalgo que,pol momentu,nun ye prauticamente nada...

8 setiembre-Asturies ye nación

El Xanu///////////// — Wed, 09 Sep 2009 11:13:24 +0100

Escuchando a Areces una especie de parcela cabo'l mar. Hasta provincia o rexón parecen resultá-y subversivos. Vaya montón de paranoicos que tenemos gobernando...

8 setiembre-Asturies ye nación

Carlos X. BLANCO — Tue, 08 Sep 2009 17:31:02 +0100

Copiételu, Alloriáu: Bon llema pa glayar.http://carlosxblanco.blogia.com/2009/090801-8-setiembre-asturies-ye-nacion.php

Lo foriato per enrriba de lo nueso

El Xanu/////////////// — Tue, 08 Sep 2009 11:51:54 +0100

Les mentes colonizaes siempre tienen referentes foriatos con tal de que tengan daqué puxu y rescamplen a los sos güeyos. Del Real Madrid y F.C. Barcelona pasen a la lliteratura castellana y catalana.

Reconocélo ye un pasu...

alloriau — Sun, 06 Sep 2009 12:43:27 +0100

pos sí,los dos teneis tola razón

Reconocélo ye un pasu...

Repunante — Sat, 05 Sep 2009 23:59:45 +0100

Esto abulta dende hai bien de tiempu qye ye un microcosmos de chiringuitos u cinquen toos menos nós, que mos robamos los clientes...Un saludu

Del petromochu al puertomochu

gaztepa — Sat, 05 Sep 2009 17:53:58 +0100

sguramente los asturianos votan a areces porque las pocas alternativas que hay son peores aún o están en proceso de formación.
¡Saludos desde Euskal Herria!

Reconocélo ye un pasu...

xuacu — Fri, 04 Sep 2009 19:06:01 +0100

non si ellos criticar critiquen al PSOE,pero a los que tienen que criticar son a los de la FSA,que son colos que caltienen el chiringu
un abrazu!

Del petromochu al puertomochu

bombachu — Fri, 04 Sep 2009 13:00:30 +0100

Tú mesmu lo dixiste:nun dimite porque nun tien dignidá,y amás porque sabe que los asturianos van siguir votándolu