La Unión Renovadora Asturiana ñació nel añu 1998 tres l’enfrentamientu ente’l seutor del PP llideráu por Sergio marqués y el restu del partíu.

Ñació como una versión asturianista del PP,según ellos de centru y enfotaos en ser una alternativa a los partíos tradicionales,defendiendo la oficialidá y un mayor autogobiernu.

La realidá once años depués de la creación d’esi partíu ye la que ye:munches pallabres,pocos fechos.Fracasu políticu,eleutoral y que nun cuayó na sociedá,perdiendo votos eleición tres eleición y perdiendo militancia que tornaba pal PP,viendo’l fracasu d’un proyeutu que nun supo quitase’l pesu de tar mui enfotáu na persona  de Sergio Marqués.

Como yá dixi,quiciabes les señes principales d’esti partíu,y no que ta más separtáu del PP ye la defensa de la oficialidá y un mayor autogobiernu,pero na práutica nin desendolquen nin desendolcaren nada (dientro de los sos medios) pa algamar un avance neses nin nes demñas estayes que faen a esti partíu dalgo distinto a los tradicionales.

Tamién hai que dicir delles coses positives:el gran esfuerzu que ficieren y faen por tar averaos al mundu nacionalista (Unión asturianista,cellebración del Día de la nación asturiana…),nun sé si por un enfotu de facer un xiru definitivu al asturianismu o como manera d’atopar votos.

Y hasta equí un pequenu repasu a lo que foi y ye l’intentu más seriu de la drecha asturianista d’organizase lloñe de la influencia del PP.

 Una pena que perdieren la guerra escontra’l xigante derechil…

Comments

Fai unos díes espublizose un estudiu nel que taba recoyiu'l gráu d'identificación con España y con Europa nes distintes comunidaes autónomes.

El resultáu n'asturies foi'l siguiente:un 75% siéntese identificáu con España (los terceros menos identificaos) y un 43% con Europa (los menos identificaos del estáu español).

En primer llugar vese'l descontentu y desencantu de los asturianos pa con europa,dalgo qu' anque yera sabío surpriende nel porcentaxe (polo menos a min).

Otra de les conclusiones que se saquen ye que'l mitu de que "los asturianos somos los más españoles",alimentáu dende va munchos años pol nacionalismu español,queda desmontáu del too.Nun vamos ñegar qu'un 75% d'identificaos con España ye muncho,pero somos los terceros menos identificaos del estáu,nada despreciatible si cuntamos con que nun tenemos llingua oficial y la nuesa identidá ta atapecida pol gobiernu.

Pero nun ye too bones noticies.Anque podamos ser optimistes pal futuru del nacionalismu asturianu,esos datos tamien amosa que nun avanzamos nada nel camín de coneutar cola sociedá:siguimos siendo un desastre nesi sentíu.

Hai un potencial pergrande esperando a ser aprofitáu,pero corremos el riesgu de perder a bona parte d'esi 25% si nun-yos damos una salida política real,seria y con puxu.

Pa ello la única solución ye avanzar na xunidá d'aición,nel camín d'axuntar fuercies y trabayar toos xuntos nos nuesos oxetivos comunes.

Dirixentes nacionaliegos:esconsonái,dexái de lláu les engarradielles de corripa,trabayái pol movimientu con mentalidá nacional y decidíos a llevar alantre los enfotos que nos xunen a tolos nacionalistes asturianos y que son necesarios pa facer una Asturies meyor.

Esconsonái,o quedái dormíos pal restu la vida.Si escoyéis esa opción,dexái'l camin llibre a los que puxen porque'l nacionalismu asturianu tenga futuru.Nun seyáis una torga,una muria,porque estes acaben siendo baltiaes en dalgún momentu.

Ye'l momentu pa ser los cabezaleros d'un proyeutu nacionaliegu con puxu o pa quedar a un lláu.

Dirixentes nacionaliegos:escoyéi,pero facéilo yá.

Comments

Un díi pela mañana.Diba esti alloriáu,como ye vezu,sentáu nel autobús y lluchando por nun dormise.Pa ello suel poner la radio anque llueu nun suela facé-y casu,pero ente'l suañu,los pensamientos y el falar de la xente que taba al lláu sentí daqué que me fizo despertar.

Taben falando de la fusión Cajastur-CCM y les declaraciones de los distintos llíderes politicos asturianos.Nel casu de la FSA les declaraciones foren dalgo asina como que la fusión yera perimportante p'Asturies nel sentíu de que amosaba que'l tamañu nun ye una torga pa ser importantes y tener pesu dientru del estáu (evidentemente nun dixo estáu,ye una "adaptación").

Hasta ehí too normal,anque tamién podia despertame qu'ún politicu de la FSA dixere unes pallabres tan sensates.Lo que de verdá llamome l'atención foron les pallabres de la periodista:"menos patriótiques son les declaraciones del portavoz d'Izquierda Xunida".

Nun pensaba qu'esi discursu caracteristicu de la FSA tuviere siendo tan asumíu polos medios o pola sociedá,y que'l fechu d'aspirar a ser daqué importante dientru del estáu español yá ye ser patrióticu pa dalgunos.

Ehí vemos los bonos resultaos d'esi enfotu de la FSA por enllazar la pallabra asturies cola pallabra españa,o referise a asturies como rexón en llugar d'autonomía,por nun falar de los sos plantegamientos y polítiques.

Y non,nun taba escuchando la COPE malpensaos...

Comments

Torna a la actualidá la conveniencia o non de puxar pola propuesta entamada por Valledor de facer una fuercia asturiana,asturianista,verde y d'esquierdes a partir del seutor asturianista d'IX,el Bloque,UNA etc

A día de güei nun ye más qu'una propuesta y nada más.Valledor nun va ariesgase a facer nada ensin el sofitu d'eses otres fuercies coles que quieren cuntar,nin estes fuercies paecen mui pol llabor d'averase a valledor.

Pero vamos facer un analís de lo que pasaría con IX si esi nuevu partíu surdiere.

Pa entamar,con Valledor colaría el Bloque por asturies,Los verdes y el seutor asturianista de la coalición,dexando a esta ensin más d'un terciu de los potenciales votantes colos qu'agora cunten.N'otres pallabres:Izquierda Xunida quedaría col votu tradicional del Partíu comunista como únicu bastión pa siguir esistiendo,amás de quedar organizativamente falando nuna situación perdificil.

Perder a esos seutores pa IX sedría perder el pocu dinamismu col qu'agora mesmo cunten en favor d'una nueva y ilusionante fuercia qu'atapecería a esti partíu.

Sedría dexar solos nun barcu naufragante a los responsables de la perpetuidá del réxime "socialista",ensin la mázcara cola que se cubríen hasta agora.

Tamién sedría finar,en gran midida,cola esquizofrenia a la que nos tien avezaos Izquierda Xunida,criticando a diestru y siniestru les midies qu'ellos mesmo sofiten como miembros del gobiernu .

Una vegada desmazcaritaos y reducíos a una versión del PCA qu'asume y collabora col sistema,anque esti seya tolo contrario a lo que diz la so ideoloxía,la esistencia d'IX nun tendría sentíu.Evidentemente siguiríen esistiendo,porque pa una organización estatal sedría un desastre nun cuntar con una federación n'Asturies,pero nun sedría más qu'un muertu en vida,un depositariu de votos de la esquierda non asturianista que bien podía votar a la FSA.

Tuvieren la so oportunidá,l'asturianismu d'esquierdes al traviés de bona parte de los sos votantes sofitarenlos y ellos respondieren vendiéndose por puestinos y perres al gobiernu arecista.

Nun van tener más oportunidaes,y ye custión de tiempu qu'IX españe.Ye imposible que la xente que de verdá puxa por esi proyeutu del que fala valledor quede n'IX ensin facer nada polos sieglos de los sieglos.

N'IX de xuru que danse cuenta de que si esi proyeutu tira p'alantre sedria'l so fin,pero ente escoyer caltener a esos seutores camudando'l pensamientu dominante na organizacion o siguir chupando del bote anque esto seya morrer politicamente,ye evidente lo que van escoyer...

Comments

Ellí tará la xente de softastur desendolcando otra vegada más esi gran y desinteresáu trabayu que faen.

Comments

¿Por qué digo eso? Cenciello:nun ye nada fácil dicir tantes mentires nuna sola entrevista.

Xulgá-y vosotros mesmos.

http://www.asturnews.com/index2008.php?idn=8857#

Evidentemente lo que diga esi home nun tien nengún interés nin importancia,ye otru babayu más soltando babayaes ensin prebes escontra la nuesa llingua.Sí hai una cosa que nun pueo almitir,y ye que lo diga el "representante de la federación norte de Ciudadanos".

¿Nun tienen representantes n'asturies? Votos yá sabíemos que nun tienen,pero si nun tienen nin una estructura organizativa n'asturies que-yos permita falar en nome del so partíu,nun deberíen facelo,y yá que lo faen,polo menos qu'argumenten les sos pallabres,dalgo a lo que nun tan avezaos en partíos como esi o como UPYD,que nun ye la primera vegada que dicen tonteríes d'esi tipu sobre la nuesa llingua,y nun sedrá la última.

Lo que tenemos que siguir faciendo ye atacar a esa minoría poderosa qu'ataca a la nuesa cultura con argumentos,movilización y aición política.

Comments

Güei ye día de xuntanza,d'amosar toos xuntos el nuesu refugu a los premios principiegos y tolo que representen.

Ye día de glayar toos xuntos pola llibertá del nuesu país,por esi vieyu suañu de República socialista asturiana pol que los nuesos güelos llucharon con toles consecuencies.

Republicanismu asturianu,nacional y d'esquierdes.Güei ye'l día d'amosar que nun hai pilancos que puean con nós,y que siguimos alitando pesie a que nos dean por muertos;en munchos casos nunca nun nos dieren por vivos...

Güei ye día d'escaecer vieyos sectarismos y amosar que na xuntanza de fuercies ta'l camín.

Güei ye'l día d'entrugar:Príncipes d'asturies,¿QUIÉN LO DECIDIÓ?

Comments

L'Ensame República Asturiana convoca nuevamente esti añu una manifestación escontra los Premios Príncipe y pola República Asturiana, baxo'l llema "Premios Príncipe: ¿Quién lo decidió?"

La manifestación partirá de la Estación del norte d'Uviéu el 22 d'ochobre a les 22:00 hores.

Manifiestu República Asturiana:

Les persones y coleutivos que roblamos esti 'Manifiestu' queremos espresar lo que vien de siguío:

1) Asturies vive nuna situación antidemocrática dafechu, na que los valores republicanos y los derechos sociales y nacionales vienen siendo negaos y xabazmente reprimíos per parte del estáu español, formáu en Reinu.

2) Una de les espresiones sociales más significatives d'esti fechu ye la denomación institucional d'Asturies como "Principado", figura política impuesta a esti Pueblu qu'afala'l vasallaxe y el servilismu a una institución arcaica, elitista y antidemocrática cola qu'Asturies y les asturianes y asturianos nada ganamos nin tenemos nada que ver.

3) Oponémonos a cualquier tipu de réxime monárquicu, por ser ésti'l paradigma de la desigualdá social y la falta de derechos con impunidá llegal. Tampoco podemos escaecer que la designación del monarca español foi fecha durante'l franquismu, siendo ésti designáu y coronáu a deu directamente pol propiu dictador, ensin qu'entá viéremos enfotu dalu nesta institución predemocrática por pedir perdón tres cuarenta años de fascismu xenocida col beneplácitu del sistema llegal 'constitucional' actual.

4) Denunciamos el compromisu col capitalismu xabaz, asesín de tolos pueblos del mundu, que remanez de la monarquía española, siendo ésta garante de la defensa de les clases privilexaes y de la desigualdá económica, social y de derechos. Refugamos, tamién, les actitúes machistes, homófobes, represores y censores que surden dende la monarquía española, qu'afiten, una vegada más, el so orixe feudal y arcaicu, comportamientos mui estremaos a los que defendemos nosotres y nosotros.

5) Consideramos una humildación a Asturies la cellebración de los 'Premios Príncipe de Asturias', considerándolos una coartada pa 'llavar la cara' internacionalmente a la monarquía, faciéndola pasar por institución moderna y que respeta la cultura, visión mui alloñada d'una, muncho más cercana a la realidá, de 'familia de vividores a sueldu de toes y toos' que conocemos perbién y manipulando al traviés de los medios españolistes, al tiempu, la imaxe de la sociedá asturiana. Poro, nun podemos dexar de pidir la crítica pa los galardonaos por estos 'premios de pandereta', que faen el xuegu cómpliz a la monarquía española, nin dexar d'ablucar y protestar, tampoco, polos costes de les fartures 'reales' a cargu de los nuestros impuestos –nestos tiempos de crisis– , asina como de la situación d'estáu y ocupación militar y policial ostentoria que nel nuestru país se xenera con cualaquier 'visita' de los miembros d'esa familia 'real'.

6) Queremos afitar dende agora mesmo la necesidá d'articular y crear un movimientu republicanu asturianu que lluche pola lliberación d'esti país y refugue cualquier tipu d'opresión nacional y social, como la que constitúi la monarquía española y cualquier réxime monárquicu. Asina, namás entendemos un cambiu de modelu de país pa construyir una República Socialista asturiana onde los valores republicanos d'igualdá, llibertá, accesu a la cultura y llaicismu seyan los finxos que caltengan la nuestra llucha por una Asturies xusta y un mundu de pueblos llibres.

¡¡PUXA LA REPÚBLICA ASTURIANA, SOCIALISTA Y SOBERANA!!

Comments

En tolos partíos esisten diverses corrientes y seutores internos.Nunos partíos eses corrientes puen ser por diverses tendencies d'esquierdes,n'otros pola esistencia de seutores críticos colos que caltienen el poder nel partíu,otros puen ser de calter asturianista dientro d'un partíu de calter españolista etc

De mayor o menor tamañu,pero en práuticamente en tolos partíos esiste más d'un seutor,sobre too nos partíos "poco avezaos" a la dixebra organizativa.

Esi casu nun ye'l de los partíos del nacionalismu asturianu,mui daos a dixebráse y engarrase a la mínima.

Estes dixebres faen que,por exemplu,un partíu nel que habia xente favoratible a la xuntanza y xente que non conviértase en dos partíos,o xente que taba disconforme cola xente que lleva'l partíu colen pa facer otru o entrar n'otra organización.

Les consecuencies d'este y otres aiciones de dixebra son la perda de diversidá ideolóxica dientro de los partíos,faciendo que tolos nacionalistes favoratibles a cierta cosa militen toos nun partíu,los favoratibles a otra n'otru partíu,y asina hasta facer partíos homoxéneos,nos que nun esistan voces crítiques nos temes ideolóxicos principales de cada partíu.

Quiciabes eso nun seya tovía asina,y nes fuercies nacionalistes asturianos tovía tengamos diverses voces dientro de los partíos,pero ensin un cambéu de mentalidá,la cual ta avezada a la dixebra,diremos camín d'esa situación.

Esa homoxeneidá na militancia sedría mui perxudicial pal nuesu movimientu,l'alderique siempres ye positivu y aida a facer meyores estratexes,propuestes etc

Toos compartimos el mesmu enfotu,los mesmos oxetivos,caún colos matices propios de la so ideoloxía,pero salvables nel marcu d'una mentalidá nacional que nos permita facer frenti común.

El problema ye'l de siempres:nes cúpules de los partíos nacionaliegos nun interesa aportar a esa mentalidá nacional.

¿Por qué? Ellos sabrán...

Comments

Comments

Pasín a pasu va consumiéndose la llexislatura y averámonos al gran momentu pa munchos:les elleiciones autonómiques.

Dientro poco los grandes partíos (FSA,PP) tendrán que dir escoyendo los sos cabezaleros pa diches elleiciones,una vegada más perimportantes pa estos dos partíos que sedrán los que aspiren al gobiernu del principáu.

Nel casu de la FSA paez qu'Areces nun se presentará otra vegada a les elleiciones,y Javier Fernández paez el gran candidatu pa sustituir a Tini.

Sobre'l papel sedría'l fin del arecismu,pero na realidá la llinia a siguir por Fernández sedrá de continuidá,y en dellos aspeutos como,por exemplu,el conflictu llingüisticu,taremos igual o pior,teniendo en cuenta que Fernández pertenez a esi tríu que completen Lastra y Gutiérrez,tres personaxes que nun atapecen en nengún momentu'l so refugu a la normalización de la nuesa llingua,y qu'anguaño son la retaguardia del arecismu.

Cambéos pa nun camudar.

Nel PP too ye muncho más escuro,porque anque nun principiu nun paez que Ovidio seya'l candidatu del partíu,nun hai que descartálu.De toes maneres si nun se presenta Ovidio,de xuru que fadrálo daquién de la so cuerda  (¿Aréstegui?).Paezme innecesario dicir lo que pasó nel caberu "congresu rexonal" del PP,y ú ta anguaño l'opositor d'Ovidio:fuera del PP.Con eso queda claro que la democracia interna ye una lleenda urbana dientro d'esi partíu.

Cambéos (si los hai) pa nun camudar.

Nel casu d'IX val más nun opinar.D'equí al 2011 pue pasar de too,hasta posibles escisiones o que xente de dellos seutores cole (falo principalmente del seutor asturianista encabezáu por valledor,anque güei esa posibilidá nun paez real).

Ye lo que nos espera nes elleiciones autonómiques que vendrán,cares nueves,nueva imaxe,mesmes polítiques,mesmes idegues,mesmes persones nel poder real de los partíos.

Más de lo mesmo.

Siempres nos quedará suañar col aire frescu de la xuntanza nacionaliega... 

Comments

Nos años caberos fálase muncho d'esi fenómenu elleutoral nomáu votu útil.

Un bon exemplu foron les elleiciones estatales,onde xente d'esquierdes quenormalmente,nun votaríen al PSOE,ficiéronlo pa que'l PP nun ganare les elleiciones.

¿Esiste esi fenómenu dientro del movimientu asturianista?

Pa entamar,vamos definir qué ye eso d'asturianismu:yo considero asturianismu a los partíos nacionaliegos (AA,UNA,PAS,BA) y a dellos partíos rexonalistes,como'l casu d'URAS.Tamién podemos discutir si meter o non a Izquierda Xunida,porque en custión de fechos,ye nidio que nun pertenecen a esi seutor políticu,pero bona parte del so elleutoráu ye asturianista,asina que,préstenos o non,entra dientro d'esa pallabra tan ambigua.

Dicho esto,pasamos a analizar l'elleutoráu asturianista y el so comportamientu nos caberos años.

El votu útil básase na concentración del votu nuna opción política,según les posibilidaes de cada partíu d'algamar oxetivos:representación,gobiernu etc

Echando una güeyada al panorama de los caberos años ,descartamos casi al momentu a Andecha Astur y Unidá/UNA,ya que polos sos resultaos elleutorales ya'l so comportamientu n'otres elleiciones,les sos posibilidaes d'algamar representación yeren nules dende un entamu.

Ye más,yeren los oxetivos perfectos pa otros partíos que sí taben en condiciones de dir a la gueta d'esi votu útil.Falo,en primer llugar,d'IX-BA,que foi ensin tapuxos a la gueta del votu asturianista d'esquierdes,algamándolu en bona midida,y convirtiéndose nel referente elleutoral d'esa opción política,anque depués los fechos fagan ver que d'asturianistes,poco.

La entruga ye si esos votantes asturianistes d'izquierdes votaron a IX-BA porque sabíen que diba algamar representación.Pa min,bona parte fízolo por eso,por dá-y puxu a una fuercia politica que diba representar l'ideariu asturianista na Xunta xeneral del principáu.

En segundu llugar,atopamos la unión URAS-PAS.Nes sos primeres elleiciones xuntos,algamaron la metá de votos que sumando los sos votos cuando caún diba pel so lláu.polo tanto,nesti casu falar de votu útil ye mui atrevío.Más bien habría que falar de batacazu,anque de xuru que dalguna persona votó a esta fuercia porque,siendo realistes,tenía opciones d'entrar na Xunta Xeneral,anque nun foron a ello.

Visto lo visto,quiciabes podamos falar de votu util asturianista a pequena escala,y cuntando con que esi arcu politicu cunta con munches alternatives que dixebren l'espaciu.

¿Qué-vos paez?

Comments

Güei dexamos de lláu les opiniones y reflexones varies pa recomendávos un cómic:"Pyongyang"

Ñaz de la esperiencia d'un periodista na capital de Corea del Norte,Pyongyang,y na mio opinión reflexa perbién la situación d'esi país.

Paezme que ye recomendable hasta pa los que,como yo,nun suelen lleer cómics.

Podéis atopalu y descargálu en castellán equí:

http://www.4shared.com/get/110501750/9f7da0db/PYONGYANG.html;jsessionid=404BB895685C17112CCE67CDCF674823.dc116

¡que-vos preste!

Comments

"Independientes de Asturias" (IDEAS) surde como un conglomeráu de partíos independientes,ente los que s'alcuentren partíos como ASIA (promotor del proyeutu),USPC,PINSI,AIGO o AIGRAS.

Nun entamu,el so enfotu ye presentase a les elleiciones autonómiques y municipales,seguramente con Juan Morales(ex-PP) como cabezaleru.

Ñacen col envís d'algamar votos nuna parte del ellectoráu que ye grande n'asturies:los votantes descontentos,y de convertise nuna alternativa al bipartidismu FSA-PP.

Hai qu'esperar al so congresu pa ver los entamos ideolóxicos,pero viendo los partíos que formen esta fuercia,asina como los nomes que la integren,nun paez más qu'una versión "made in asturies" d'UPYD,anque entá nun amosaron el so paecer nos temes más importantes del país.

Esperemos que,polo menos,dexen a les clares les sos intenciones,y nun xueguen cola ambigüedá que tan bon resultáu dio a otres fuercies polítiques.

El congresu dictará sentencia...

Comments

"LA IMPORTANCIA FUNDAMENTAL DEL APRENDIZAJE DE LENGUAS

El Día Europeo de las Lenguas abordará diversos temas: uno de los objetivos es poner de manifiesto cómo y por qué el multilingüismo es uno de los valores clave de Europa. Asimismo, en este día se demostrará cómo el aprendizaje de lenguas permite a los ciudadanos enriquecer su vida, experimentar nuevas ideas, ejercitar su mente y beneficiarse de la diversidad cultural de Europa. Se pondrá de relieve que el aprendizaje de lenguas puede ser fácil y accesible además de mejorar considerablemente las perspectivas profesionales. En este día se mostrará cómo aprender una lengua a una edad temprana ayuda a los niños a desarrollar habilidades sociales además de ser un regalo para toda la vida."

Comments

El nacionalismu astur,casi dende'l so entamu como movimientu organizáu na transición,tuvo ente los sos pilares el so espardimientu ente la mocedá como  estratexa pal espoxigue.

Esta estratexa ye necesaria,y ye una de les coses poles que güei el pilar del nacionalismu asturianu seyan les organizaciones moces,amás de ser una garantía de relevu xeneracional ente les militancies de los partíos.Unos lleguen,otros pasen al tarrén de partíu,y asina durante toos estos años.

Esa estratexa tamién pue dar a les organizaciones una imaxe más "dinámica" y combativa,pero tamién tien les sos consecuencies negatives.

Como pudimos ver nes caberes elleiciones europees,los partíos de la esquierda nacionalista  centren muncho les sos campañes na mocedá,ye más,quiciabes tán demasiao enfocaes nesi seutor concretu.

Hai qu'entrugase,¿ye bono apostar casi n'esclusiva por algamar el votu mozu nesti país cada día más envieyáu?

Pa min la respuesta ye que non.Nunca deberíemos arrenunciar a esi seutor,porque ye fundamental en cualquier país,pero esi enfoque tan marcáu fai que muncha xente de mayor edá refugue votar a partíos como UNA o Andecha Astur.

Quiciabes seya necesario tresformar esi enfoque,puxando por llegar a tolos seutores,y non sólo a la mocedá.Sedría la manera afayadiza d'algamar una faza del seutor asturianista,porque ¿Ú ta el votu de los asturianistes veteranos?

Desconózcolo,pero yo diría que bona parte ta en fuercies como la Unión URAS-PAS,que quiciabes seyan el casu contrariu al d'Andecha y UNA:Tan mui orientaos a un públicu vieyu,dexando un poco de lláu al mozu.

Polo tanto,pa min lo afayadizo sedría caltener esi aire mozu carauterísticu,col que algames votos y tamién militancia,pero tresformándose tamién n'organizaciones que seyan atractives pa otros seutores del país,como los votantes d'una ideoloxía semeyada pero pertenecientes a otres xeneraciones y que refuguen votar o sofitar a les fuercies nacionalistes d'esquierdes qu'anguaño tenemos nel país.

¿Cómo lo veis?

Comments

Bastión d'un castiellu Italianu.¿Hai n'Asturies dalgún llugar que puea ser consideráu un bastión nacionaliegu?

En tolos territorios del estáu español que cunten con nacionalismos periféricos fuertes y con presencia nelpaisax politicu y social esisten llugares con una presencia nacionalista mayor que nel restu de conceyos,pueblos etc;ye lo que voi llamar "Bastiones nacionaliegos".

Asina,por exemplu,n'Euskadi atopamos numberosos bastiones nacionaliegos,ente los que destaquen  llugares como Hernani;en Catalunya atopamos llugares como Aleia,onde'l votu nacionaliegu/independentista supón casi un 70% del votu total,anque ye solo un exemplu de la gran presencia nacionaliega en munchos llugares;pa finar,en Galiza atopamos tamién dellos llugares onde'l BNG ye'l partíu mayoritariu,como por exemplu Allariz.

Lo que me plantego ye si n'Asturies,y teniendo en cuenta que la presencia del nacionalismu na vida del país nun ye comparable a la d'eses otres tres naciones,esiste un bastión nacionaliegu sólidu.

Nun ye fácil ponese d'alcuerdu sobre si esi bastión esiste,o simplemente hai dellos conceyos onde'l ancionalismu tien presencia en sin más,nun considerando a estos bastiones.

Pa min entá nun hai un conceyu del que podamos falar como tal,pero apurro un par de propuestes:

Carreño

Con unos resultaos nes caberes elleiciones a conceyu que tuvieron como resultáu l'algame d'un conceyal y un 6,54% de los votos pa la formación nacionaliega "Andecha Carreño",amás d'otru conceyal y un 5,37% de los votos pa la formación nacionaliega/asturianista URAS-PAS,too ello xunto al lliderazgu nacionaleigu nes principales protestes vecinales,faen que, pa min,Carreño seya'l principal candidatu a bastión nacionaliegu col que cuntamos nel nuesu país.

Noreña

El conceyu más pequeñu d'Asturies ye otru de los llugares onde'l nacionalismu tien bona presencia.

Ye'l principal bastión en votos y militancia d'Andecha Astur (5,92% de votos,a puntu d'algamar conceyal),amás de la presencia d'un conceyal asturianista (URAS-PAS,6,78% de votos).

Nesti conceyu la presencia social ye mayor que la puramente elleutoral,pero pa min ye'l segundu de los pilares del nacionalismu asturianu.

Eses son les mios propuestes,como siempres ehí tán los comentarios pa que opinéis si hai dalgún llugar n'Asturies que merezca esi nomatu de "bastión nacionaliegu" y cuálu ye.

Comments

Comments

Como ya dixi fai unos meses,pa min la clave pa que nel nacionalismu asturianu surdan acuerdos y xuntances taba en camudar la mentalidá de partíu en mentalidá nacional,ye dicir,poner a la nuesa nación como prioridá,enrriba d'intereses y engarradielles partidistes.

El pautu anunciáu va unos díes ente'l PAS y Andecha Astur ye un pasu alantre nesi procesu de cambéu de mentalidá,y fai que podamos tener optimismu pa una futura xuntanza.

Ye necesario tener paciencia,y que los partíos que fagan coses pa algamar cierta xunidá noten una rempuesta positiva na xente,ya que nun se pue pasar d'un dia pa otru de tar nuna engarradiella constante a la xuntanza dafechu.

Sicasí,nun hai qu'escaecer la otra cara del nacionalismu asturianu,esa firida que sigui abierta y qu'amosa qu'entá queda muncho pa algamar la mentalidá nacional:la llucha pol control d'Andecha Astur,qu'amás d'enfrentar a los ñembros d'andecha y los "ex-ñembros"(por llamalos de dalguna manera,tamién pieslla les opciones d'entendimientu y alcuerdos ente Andecha astur y UNA.

Paezme que los xestos que vimos nos díes caberos amosen que vamos avanzando,y que ye custión de tiempu que se algame esa mentalidá nacional.

En primer llugar,porque la militancia de los distintos partíos de xuru que finará cansando d'ostiase elleición tres elleición,y en segundu llugar porque hai un seutor del nacionalismu asturianu que cada vegada ye más visible,y que pidi cordura a les distintes fuercies del movimientu.

Igual que normalmente tiro de les oreyes a varios partíos,güei aplaudo al PAS y a Andecha astur pol importante pasu que dieron,y que munchos esperamos que nun quede ehí,sinon que siga avanzando na senda de la xuntanza.

Comments

Comments